Copy

 ᐱᒻᒪᕆᐅᔪᖅ ᑐᓴᒐᒃᓴᖅ ᓄᓇᕗᒻᒥ ᑕᑯᓐᓇᒐᒃᓴᓕᐅᖅᑎᒃᑯᓐᓂᑦ ᐱᔾᔪᑎᖃᖅᖢᓂ 2020-2021 ᑮᓇᐅᔭᖃᖅᑎᑎᓂᐅᕙᒃᑐᑦ ᖃᓄᐃᓕᐅᖅᕈᑕᐅᔪᒃᓴᑎᒍᑦ ᐱᓕᒻᒪᒃᓴᒃᑲᓐᓂᕈᑕᐅᕙᒃᑐᓪᓗ 


ᓄᓇᕗᒻᒥ ᑕᑯᓐᓇᕋᒃᓴᓕᐅᖅᑏᑦ ᑎᒥᖓᑦ ᑐᑭᓯᐊᕗᖅ ᐅᔾᔨᕐᓇᓪᓚᕆᒃᑐᒥᒃ ᐃᓱᒫᓗᖕᓂᖅᑕᖃᕐᒪᑦ, ᒫᓐᓇ ᐱᕙᓪᓕᐊᓂᐅᔪᒥ ᖃᓄᕐᓗ ᐊᒃᑐᐃᓂᖃᕈᓐᓇᕐᓂᖓᓂᒃ ᑖᓐᓇ ᓄᕙᖕᓂᖅ-19 ᐊᐃᑦᑐᕐᓘᑕᐅᑦᑕᕐᓂᖓ, ᑕᒪᒃᑯᓄᖓ ᑕᑯᓐᓇᕈᑕᐅᑦᑕᖅᑐᓄᑦ ᓱᓇᑐᐃᓐᓇᖅᑎᒍᑦ ᓄᓇᕗᒻᒥ.
 
ᓱᒃᑲᓕᔪᒥᒃ ᐱᕙᓪᓕᐊᓂᖃᕐᒪᑦ ᑐᓴᐅᒪᑎᑦᑎᔾᔪᑎᒋᔭᕗᑦ, ᐅᖃᓕᒫᒐᒃᓴᑦ, ᐊᒻᒪ ᐃᑭᐊᖅᑭᕕᒃᑰᖅᑐᑦ ᑐᓴᐅᒪᔭᐅᔪᒃᓴᓂᒃ ᓄᑖᙳᕆᐊᑲᐅᑎᒋᕙᖕᓂᐊᖅᐸᕗᑦ ᐅᖃᐅᔾᔨᒋᐊᕈᑕᐅᔪᓂᒃ, ᒪᓕᒃᑕᐅᔪᒃᓴᓂᒃ, ᐃᓕᖕᓄᓪᓗ ᐃᑲᔫᑎᖃᕈᓐᓇᖅᑐᓂᒃ.
 
 
 ᓄᓇᕗᒻᒥ ᑕᑯᓐᓇᕋᒃᓴᓕᐅᖅᑏᑦ ᑎᒥᖓᑦ ᓯᕗᓪᓕᐅᑎᑦᑎᓂᐊᖅᐳᑦ ᐃᓱᒪᒃᓴᖅᓯᐅᕐᓗᑎᒃ ᖃᓄᖅ ᐊᑲᐅᓂᖅᐹᖑᖕᒪᖔᑦ ᑮᓇᐅᔭᖃᑦᑎᑦᑎᓂᒃᑯᑦ ᐃᑲᔫᑕᐅᓂᐊᖅᑐᓂᒃ ᐊᑐᓚᐅᑲᑐᐃᓐᓇᕐᓂᐊᖅᑐᓄᑦ ᐱᔭᐅᔭᕆᐊᓕᖕᓄᑦ ᓴᖅᑭᑎᑦᑎᔪᓕᕆᔨᒃᑯᑎᒍᑦ, ᓇᖕᒥᓂᖅᓱᖅᑐᑦ ᑕᕐᕆᔭᐅᓯᐅᖅᑎᑦ ᐊᒻᒪ ᐱᓕᕆᐊᖃᖅᑐᓄᑦ ᐃᓄᑐᐊᖑᓪᓗᑎᒃ. ᕿᒥᕐᕈᓂᐊᕐᒥᔭᕗᑦ ᐊᔪᕐᓇᕈᓐᓃᖅᐹᓪᓕᖅᑎᑦᑎᓂᖅ ᑮᓇᐅᔭᖃᖅᑎᑦᑎᓂᒃᑯᑦ ᐊᖏᕈᑕᐅᓯᒫᓂᒃᑐᑦ ᑮᓇᐅᔭᖃᖅᑎᓯᒪᔭᕗᑦ. ᐊᒻᒪᓗᑦᑕᐅᖅ, ᐅᖃᒪᔭᐅᑎᒋᓂᐊᖅᑕᕗᑦ ᐋᖅᑭᒃᓱᐃᓗᑕ ᐊᑐᒐᒃᓴᐅᔪᓐᓇᖅᑐᓂᒃ ᑮᓇᐅᔭᖃᖅᑎᑦᑎᓂᕐᒥᒃ ᐱᓕᕆᐊᖑᔅᓲᔭᕋᔭᖅᑐᓄᑦ ᐃᑲᔪᕐᓂᐊᖃᕋᔭᖅᑐᖅ ᐅᑎᖅᐸᓪᓕᐊᓂᖓᓄᑦ ᓴᖅᑭᑎᑦᑎᕙᓪᓕᐊᓂᖅ ᓄᓇᕗᒻᒥ.
 
ᐱᓕᕆᖃᑎᖃᕐᓗᑕ ᐃᑲᔪᖅᑎᒌᓂᒃᑯᑦ ᓄᓇᐃᑦ ᐊᕕᒃᑐᖅᓯᒪᔪᑦ ᐅᑭᐅᖅᑕᖅᑐᒥᓗ ᑮᓇᐅᔭᓕᕆᔩᑦ ᑮᓇᐅᔭᖃᖅᑎᑦᑎᔩᓪᓗ, ᕿᓂᕐᓂᐊᖅᐳᒍᑦ ᓇᐅᒃᑯᑐᐃᓐᓇᖅ ᐊᑐᕈᓐᓇᖅᑕᑦᑎᓐᓂᒃ ᐃᑲᔫᑕᐅᔪᓐᓇᖅᑐᓂᒃ. ᓯᕗᓂᒃᓴᖅ ᓇᓗᓇᕐᒪᑦ, ᑭᓯᐊᓂᓕ ᐸᕐᓇᑦᑎᐊᖅᓯᒪᓇᓱᒃᐳᒍᑦ.
 
 
2020 - 2021 ᑮᓇᐅᔭᖃᑎᑕᐅᓂᕐᒧᑦ  ᐱᓇᔪᒍᑎᑦ
 
 ᐅᔾᔨᕈᓱᒃᑐᒍᑦ ᐃᓚᖏᑦ ᐱᓕᕆᐊᖑᔪᑦ ᑮᓇᐅᔭᖃᖅᑎᓯᒪᔭᕗᑦ ᐊᔪᕐᓈᓪᓚᖕᓂᐊᕐᒪᑕ ᓯᕗᓂᕆᓂᐊᖅᑕᕗᑦ ᓇᓗᓇᑲᓚᐅᕐᒪᑦ. ᐊᔪᕐᓇᖏᓐᓂᖅᓴᐅᑎᑦᑎᔪᒪᕗᒍᑦ ᐃᓱᒪᒃᓴᖅᓯᐅᕈᑎᒋᓗᒋᑦ ᐱᓇᔪᒍᑕᐅᔪᑦ ᑕᒪᒃᑯᐊ ᐊᑦᑕᑎᖃᓗᐊᖏᑦᑐᑦ ᒪᓕᒐᒃᓴᖁᑎᒋᔭᑦᑎᓐᓄᑦ
  
ᑲᔪᖏᖅᓴᐃᔪᒪᕗᒍᑦ ᐱᓇᔪᒍᑕᐅᔪᓂᒃ  ᖃᓂᑐᕋᐅᓗᐊᖅᑕᐃᓕᓂᕐᒧᑦ ᐊᑐᕐᓂᖃᖅᑐᓕᓂᒃ, ᐆᒃᑑᑎᒋᓗᒍ ᐱᓕᕆᐊᖑᓂᐊᖅᑐᒥᒃ ᐋᖅᑭᒃᓱᐃᕙᓪᓕᐊᓂᖅ, ᑎᑎᕋᕐᓂᖅ ᐅᖃᓕᒫᖅᑕᐅᔪᒃᓴᒥᒃ, ᓇᑲᑎᕆᓂᖅ, ᑎᑎᖅᑐᒐᖅᓯᒪᔪᑦ ᑕᕆᔭᒐᒃᓴᑦ, ᓂᐱᓕᐅᖅᓯᒪᔪᑦ, ᓇᐃᑦᑐᑦ ᑕᕐᕆᔭᒐᒃᓴᑦ, ᑐᖅᑯᖅᑐᐃᓃᑦ ᐊᓯᒐᓚᖏᓪᓗ.
 
 
ᐱᓕᕆᐊᒃᓴᖃᕐᔪᐊᖅᐳᒍᑦ ᐋᖅᑭᒃᓱᐃᕙᓪᓕᐊᒐᑦᑕ ᑮᓇᐅᔭᖃᖅᑎᑦᑎᓂᕐᒥᒃ ᐅᓂᒃᑳᕐᓂᐅᔪᓂᒃ ᕿᒥᕐᕈᓂᖃᖅᑐᒥᒃ ᒫᓐᓇ ᓄᓇᕐᔪᐊᕐᒥ ᐊᑐᖅᑕᐅᔪᒥ ᓄᕙᖕᓂᓐ-19. ᑮᓇᐅᔭᖃᖅᑎᑦᑎᓂᖅ ᐃᑲᔪᕐᓂᐊᖅᐳᖅ ᑐᒃᓯᕋᐅᑕᐅᔪᓂᒃ ᑕᑯᓐᓇᕈᑕᐅᑦᑕᖅᑐᓂᒃ ᓱᓇᑐᐃᓇᖅᑎᒍᑦ ᐃᓱᒪ ᓕᐊᖑᔪᑦ ᖃᓄᐃᑦᑐᑐᐃᓐᓇᐅᓗᒋᑦ ᓴᖅᑭᔮᖅᑎᑦᑎᓂᒃᑯᑦ (ᓴᖅᑭᑎᑦᑎᕙᓪᓕᐊᓂᕐᒥᑦ ᑕᑯᒃᓴᐅᑎᑦᑎᓂᕐᒧᑦ). ᓄᖅᑲᖓᑎᑦᑎᓂᐊᖏᒻᒪᑦ ᑭᒡᓕᖃᖅᑎᑦᑎᓂᕐᒧᑦ ᐊᑐᐊᒐᐅᒐᔪᒃᑐᑎᑐᑦ ᑮᓇᐅᖃᖅᑎᑦᑎᔨᐅᕙᒃᑐᓂᑦ, ᑖᓐᓇ ᑐᓂᔭᐅᓇᔭᖅᑐᖅ ᐃᑲᔪᕈᑕᐅᔪᒪᖕᒪᑦ ᐃᓱᒪᒃᓴᖅᓯᐅᑦᑎᐊᔪᓂᕐᓄᑦ, ᓱᖁᑕᐅᖏᖦᖢᓂ ᐱᒋᐊᓕᓵᕐᓂᐅᒐᓗᐊᖅᐸᑦ, ᓴᓇᓯᒪᒃᐸᒃ ᓱᓇᑐᐃᓐᓇᕐᓂᒃ ᐊᑐᕐᓗᓂ ᑕᐅᑐᒃᑕᐅᔪᒃᓴᓂᒃ. ᑐᖅᑯᖅᑕᐅᓯᒪᔪᓂᒃ ᐊᐱᖅᓱᖅᑕᐅᓂᑯᓂᒃ ᓇᑲᑎᕆᔪᒪᓇᔭᕈᕕᓪᓘᓐᓃᑦ, ᐊᑏᓕᑭᐊᖅ ᐋᖅᑭᒃᓱᐃᔪᒪᒍᔪᕕᑦ ᐊᑐᖅᑕᐅᔪᒃᓴᓂᒃ ᐊᖏᖅᑕᐅᓇᓱᖕᓂᕐᒧᑦ ᑮᓇᐅᔭᖃᖅᑎᑕᐅᓂᕐᒧᑦ, ᐊᒥᓲᕗᑦ ᐊᑐᖅᑕᐅᔪᓐᓇᕋᔭᕐᓂᖏᑦ ᑖᔅᓱᒪ  ᑮᓇᐅᔭᐅᑉ  ᐃᑲᔪᕐᓂᖃᕋᔭᕐᒪᑦ ᑮᓇᐅᔭᓕᐊᕐᓄᑦ ᐱᔭᕆᐊᖃᓪᓚᕆᒃᑎᓪᓗᑎᑦ. ᑐᓴᐅᒪᑎᑦᑎᐊᕐᓂᐊᖅᐸᑦᑎᒋᑦ ᐱᓇᓱᐊᕈᓯᑕᒫᑦ ᑐᓴᕈᑎᑦᑎᒍᑦ ᒪᓕᒐᒃᓴᐅᔪᑦ ᐊᑐᐃᓐᓇᐅᓕᖅᐸᑕ,
 
ᑕᑯᓐᓇᕋᒃᓴᓕᕆᓂᕐᒧᑦ ᐃᓕᓐᓂᐊᖅᐸᓪᓕᐊᓃᑦ (FIT) ᐃᑲᔫᑎᓪᓗ
 
ᐱᓕᕆᐊᒃᓴᖃᖅᑏᓐᓇᕈᒪᕙᑦᑎᒋᑦ ᓲᕐᓗ ᐅᑯᐊ ᐊᑐᕐᓗᒋᑦ:
 
ᑕᑯᔭᒃᓴᐅᑎᑦᑎᓂᖅ “ᖃᓄᖅ” ᐃᓕᓐᓂᐊᖅᑎᑦᑎᓂᖅ ᑕᕐᕆᔭᒐᒃᓴᒃᑯᑦ ᑐᓴᐅᑎᓕᕆᔾᔪᑎᑎᒍᑦ.
ᐋᖅᑭᒃᓯᓗᑎᑦ ᓇᐃᑦᑐᒥᒃ ᑕᕐᕆᔭᒐᒃᓴᒥᒃ ᐅᖃᓕᒫᒐᐅᔪᒃᓴᓄᓪᓗ ᐊᐳᕈᑕᐅᒐᔪᒃᑐᓂᒃ ᑐᓴᐅᒪᑎᑦᑎᔪᑎᑎᒍᑦ.
ᐊᒥᖅᑳᖃᑎᖃᕐᓗᑎᑦ ᑕᑯᒃᓴᐅᑲᐅᑎᒋᔪᑎᒍᑦ ᐃᓕᓐᓂᐊᖅᑎᖅᑎᓂᕐᒥᒃ, ᖃᕆᓴᐅᔭᑎᒍᑦ ᐅᖃᖃᑎᒌᖕᓂᖅ, ᐃᓕᓐᓂᐊᖅᑎᑦᑎᓕᕐᓗ ᑕᑯᒃᓴᐅᑲᐅᑎᒋᔪᑎᒍᑦ
ᐊᐱᖅᑯᑎᑦ ᑭᒡᒍᓯᓪᓗ ᓄᓇᕗᒻᒥ ᑕᕐᕆᔭᐅᓯᐅᖅᑎᓄᑦ
ᐃᓚᒋᐊᕐᓗᒍ ᑖᒃᑯ, ᐅᖃᓕᒫᒐᒃᓴᖅ ᐱᓇᓱᐊᕈᓯᑕᒫᑦ ᓄᑖᖑᕆᐊᖃᑦᑕᖅᑐᖅ ᑐᓴᐅᒪᔭᐅᔪᒃᓴᓂᒃ ᐊᒥᖅᑳᕐᕕᒃ
ᐊᑐᐃᓐᓇᐅᕗᒍᑦ ᐅᖃᐅᔾᔨᒋᐊᕈᓐᓇᖅᐳᒍᑦ ᐃᑲᔪᕈᓐᓇᖅᐳᒍᑦ ᑭᒃᑯᑐᐃᓐᓇᕐᓄᑦ ᑐᓴᖅᑕᐅᓇᔭᖏᓪᓗᓂ.
 
 
ᒪᓕᒐᒃᓴᑦ ᑮᓇᐅᔭᖃᖅᑎᑕᐅᕌᓂᒃᑐᓄᑦ ᐱᓕᕆᐊᒃᓴᓕᐊᖑᓯᒪᔪᓄᑦ
 
ᐱᓕᕆᐊᖑᓇᓱᒃᑐᑦ ᐊᑐᔾᔮᕈᓐᓃᖅᑎᑕᐅᓯᒪᔪᑦ ᑭᖑᕙᕆᐊᖅᑕᐅᔪᓪᓘᓐᓃᑦ, ᑕᐃᒃᑯᓄᖓᓗ ᐅᑎᖅᑎᑕᐅᔪᓐᓇᖏᑦᑐᓄᑦ  ᐊᑭᓕᐅᑕᐅᓯᒪᔪᓄᑦ , ᑮᓇᐅᔭᖅᑖᖅᑎᑕᐅᓯᒪᔪᑦ ᑐᒃᓯᕋᕈᓐᓇᖅᐳᑦ ᑭᖑᓪᓕᖅᐹᖅᓯᐅᑎᒋᔭᒥᖕᓄᒃ ᐅᓂᒃᑳᓕᐊᒥᖕᓂ ᑎᑎᕋᓕᕈᑎᒃ ᐊᑐᕈᓐᓃᖅᓯᒪᔪᓄᑦ ᐱᓕᕆᐊᖑᓂᐊᓚᐅᖅᑐᓄᑦ ᐊᐅᓪᓚᕐᓂᐅᓂᐊᓚᐅᖅᑐᓄᓪᓗ.
ᐱᓕᕆᐊᖑᓇᓱᒃᑐᑦ ᐊᑐᔾᔮᕈᓐᓃᖅᑎᑕᐅᓯᒪᔪᑦ ᑭᖑᕙᕆᐊᖅᑕᐅᔪᓪᓘᓐᓃᑦ, ᐊᑭᓕᐅᑕᐅᔪᖃᓚᐅᖅᑎᓐᓇᒍ ᓱᓕ,
ᑮᓇᐅᔭᖅᑖᖅᑎᑕᐅᓯᒪᔪᑦ ᐃᓱᒪᖅᓱᖅᑎᑕᐅᓂᐊᖅᐳᑦ ᓂᕈᐊᕐᓗᑎᒃ ᑐᒃᓯᕋᕈᑎᒋᓚᐅᖅᑕᑎᒃ (ᑳᓐᑐᕌᒃ) ᓄᑖᖑᕆᐊᕐᓗᒍ ᐊᕐᕌᒍᒧᑦ ᓄᑖᒧᑦ ᑕᑕᑎᕆᒃᑲᓐᓂᕆᐊᖃᖏᓪᓗᑎᒃ.
ᐊᓯᔾᔨᖅᑕᐅᓯᒪᔪᑦ ᐸᕐᓇᐅᑎᒋᓯᒪᔭᕐᒥᖕᓄᑦ, ᐃᓚᒋᓗᒍ ᑭᖑᕙᕆᐊᖅᓯᒪᓂᖅ ᖃᓄᐃᓕᐅᕐᓂᐅᓂᐊᓚᐅᖅᑐᓂᒃ, ᑲᔪᓯᓂᖃᖅᑎᑕᐅᔪᓐᓇᕋᔭᖅᐳᑦ ᐅᖃᖃᑎᖃᓚᐅᖅᑎᓪᓗᒋᖅ ᓄᓇᕗᑦ  ᑕᕐᕆᔭᐅᓯᐅᖅᑎᑯᓐᓂᒃ.
ᑮᓇᐅᔭᖃᖅᑎᑕᐅᔪᑦ ᑐᒃᓯᕋᕈᓐᓇᖅᐳᑦ ᑭᖑᕝᕖᓗᑎᒃ ᑮᓇᐅᔭᖃᖅᑎᑕᐅᓂᒃᑯᑦ ᖃᓄᐃᓕᐅᒐᒃᓴᐅᓚᐅᖅᑐᒥᒃ ᑲᔪᓯᓂᖃᕈᓐᓃᖅᑐᒥᒃ, ᐊᓯᐊᓄᖔᖅ ᖃᓄᐃᓕᐅᕐᓂᐅᔪᒧᑦ, ᐅᖃᖃᑎᖃᓚᐅᖅᑎᓪᓗᒋᑦ ᓄᓇᕗᒻᒥ ᑕᑯᓐᓇᕋᒃᓴᓕᐅᖅᑏᑦ ᑎᒥᖁᑎᖏᓐᓂᒃ ᐊᖏᖅᑕᐅᓗᑎᒡᓗ ᕿᒥᕐᕈᔨᑦ ᑲᑎᒪᔨᐊᓛᓂᑦ.
 
ᐊᑐᐃᓐᓇᐅᕗᒍᑦ ᐃᑲᔪᕈᓐᓇᖅᖢᑕ ᑐᙵᓱᒃᑎᑦᑎᕗᒍᓪᓗ ᐋᖅᑭᒍᑕᐅᕚᓪᓕᕈᓐᓇᖅᑐᓂᒃ ᖃᓄᖅ ᐃᑲᔪᒃᑲᓐᓂᕈᓐᓇᕋᔭᕆᐊᒃᓴᑦᑎᓐᓂᒃ. ᑐᓴᕐᕕᒋᔪᒪᕙᑦᑎᒋᑦ ᐃᓱᒪᒋᔭᕐᓂᒃ ᐱᓕᕆᐊᕆᔪᒪᔭᕐᓂᒡᓗ, ᐱᓕᕆᖃᑎᒌᖕᓂᒃᑯᓪᓗ ᐃᓱᒪᒃᓴᖅᓯᐅᕐᓂᐊᖅᐳᒍᑦ ᖃᓄᐃᓕᐅᕐᓂᒃᑯᑦ ᐃᑲᔪᑦᑎᐊᒃᑲᓐᓂᕈᓇᕋᔭᕆᐊᒃᓴᑦᑎᓐᓂᒃ.
 
ᐅᕙᑦᑎᓐᓄᑦ ᑎᑎᕋᕈᓐᓇᖅᐳᑎᑦ:
ceo@nunavutfilm.ca
pm@nunavutfilm.ca3
training@nunavutfilm.ca
 
 
“ᐊᔪᙱᑕᕐᓂᒃ ᐊᒥᖅᑳᖃᑎᖃᕐᓂᖅ” ᐊᔪᕐᓇᙱᑎᑦᑎᕗᖅ ᐃᓕᓐᓂᐊᕐᓂᕐᒥᒃ ᑕᕐᕆᔭᐅᓯᐅᕐᓂᕐᒥᒃ ᐃᖢᕐᕆᑦᑎᐊᕐᓗᑎᑦ ᐊᖏᕐᕋᕐᓂ, ᐱᕕᖃᖅᑎᑦᑎᖕᒪᑕ ᓄᓇᕗᒻᒥ ᑕᑯᓐᓇᕋᒃᓴᓕᐅᖅᑎᑦ ᑎᒥᖁᑎᖓᓐᓂᒃ ᐃᓚᒋᔭᐅᔪᓄᑦ ᑕᖅᑭᖕᓄᑦ ᒪᕐᕈᖕᓄ “ᐊᔪᙱᑕᕐᓂᒃ ᐊᒥᖅᑳᖃᑎᖃᕐᓂᖅ”  ᐊᑭᓕᕆᐊᖃᖏᖦᖢᓂ. ᖃᕆᓴᐅᔭᒃᑯᑦ ᑎᑎᕋᕈᓐᓇᖅᐳᑎᑦ ᐅᕗᖓ:  fit@nunavutfilm.ca ᐊᔪᕈᓐᓃᑦᑎᑦᑎᔾᔪᑎᑯᑦ ᐅᑯᐃᖃᑦᑕᕆᐊᖃᕐᓂᐊᕐᒪᑦ. ᐃᓂᒃᓴᐅᔪᑦ ᐊᒥᓲᖏᒻᒪᑕ ᐱᒋᐊᖅᑳᖅᑐᑦ ᑭᓯᒥ ᐃᓂᖃᕈᓐᓇᕐᓂᐊᕐᒪᑕ.
 
ᓄᓇᕗᒻᒥ ᑕᕐᕆᔭᐅᓯᐅᖅᑎᑦ $100.00 ᓇᐃᑦᑐᒥᑦ ᑕᕐᕆᔭᐅᓯᐅᕐᓂᕐᒥᒃ ᐱᒡᒍᓕᓴᐅᑎᑎᑦᑎᖕᒪᑕ ᑕᑯᔪᓐᓇᖅᐸᑎᑦ  ᖃᓪᓗᓈᑑᖅᑐᑦ ᐃᓄᒃᑑᖅᑐᓪᓗ ᒪᓕᒃᑕᐅᔪᒃᓴᑦ ᐱᓇᔪᒍᑎᓪᓗ ᑕᑕᑎᒐᒃᓴᑦ ᐅᕘᓇ. ᖃᐅᔨᒋᐊᖅᑕᕈᒃ ᐃᑭᐊᖅᑭᕕᒃᑯᑦ ᑐᓴᒐᒃᓴᐅᑎᑕᕗᑦ ᐱᓇᓱᐊᕈᓯᕐᓂ ᖃᐃᔪᓂ ᐃᑲᔪᕐᓂᖃᕈᓐᓇᖅᑐᓄᑦ ᐱᕕᑭᓈᕈᑕᐅᔪᓐᓇᖅᑐᓄᓪᓗ ᓇᐃᑦᑐᒥᒃ ᑕᕐᕆᔭᐅᓯᐅᕐᓂᕐᒧᑦ.
 
ᑕᕐᕆᔭᒐᒃᓴᓕᐅᖅᑎᑦ ᐊᔅᑐᕆᓕᐊᒥ ᐊᑭᓕᕆᐊᖃᖏᑦᑐᒥᒃ ᐃᓕᓐᓂᐊᖅᑎᑦᑎᓂᐊᕐᒪᑕ ᖃᕆᓴᐅᔭᑎᒍᑦ ᓄᓇᖅᑲᖅᑳᖅᓯᒪᔪᓄᑦ ᑕᕐᕆᔭᐅᓯᐅᖅᑎᙳᖅᐸᓪᓕᐊᔪᓄᑦ. ᐊᑎᓕᐅᖃᑕᐅᔪᓐᓇᖅᐳᑎᑦ ᑐᓴᐅᑎᕋᓛᖓᓐᓄᑦ ᐅᕘᓇ
ᑐᓴᖅᑎᑕᓛᕈᒪᒍᕕᑦ ᐃᓕᓐᓂᐊᕐᓂᖅ ᐱᒋᐊᕐᓂᐊᓕᖅᐸᑦ.
 
ᓴᓐᑖᓐᔅ ᐃᓕᓐᓂᐊᒐᒃᓴᖃᖅᑎᑦᑎᒋᕗᖅ ᖃᕆᓴᐅᔭᑎᒍᑦ ᐊᑭᓕᕆᐊᖃᖏᑦᑐᒥᒃ ᑕᒪᓐᓇ ᓄᕙᖕᓂᖅ-19 ᐊᐃᑦᑐᕐᓗᒃᑕᐅᑦᑕᕐᓂᖓᓂ. ᑭᓱᑐᐃᓐᓇᕐᓂᒃ ᐱᑕᖃᖅᐳᖅ ᑭᒃᑯᑐᐃᓐᓇᕐᓄᑦ. ᐅᕘᓇ ᖃᐅᔨᒋᐊᒃᑭᑦ
 
ᖃᐅᔨᓴᕈᑎᑕᖃᕐᒥᖕᒪᑦ ᑭᐅᔭᕆᐊᓕᖕᓂᒃ ᓄᓇᖅᑲᖅᑳᖅᓯᒪᔪᑦ ᑕᕐᕆᔭᐅᓯᐅᖅᑎᑦ ᑎᑎᕋᕐᕕᖓᓐᓂᑦ ᑐᑭᓯᒃᑲᓐᓂᕈᒪᓪᓗᑎᒃ ᖃᓄᑎᒋ ᐊᓯᐅᔨᔭᕆᐊᒃᓴᖏᓐᓂᒃ ᑮᓇᐅᔭᓕᐊᖑᓂᐊᓚᐅᖅᑐᓂᒃ ᐅᑎᖅᑐᒃᓴᐅᑕᐅᓚᐅᖅᑐᓂᒡᓗ ᑮᓇᐅᔭᑎᒍᑦ ᐱᓕᕆᐊᖑᓯᒪᔪᓄᑦ ᐋᖅᑭᒃᓱᖅᑕᐅᕙᓪᓕᐊᔪᓄᑦ, ᐋᖅᑭᒃᐸᓪᓕᐊᔪᓄᑦ, ᐱᒋᐊᖅᑕᐅᕙᓪᓕᐊᔪᓄᑦ, ᓂᐅᕕᐊᒃᓴᐅᓂᐊᓚᐅᖅᑐᓄᑦ ᐊᑐᐃᓐᓇᕈᖅᑎᑕᐅᓯᒪᓂᐊᓚᐅᖅᑐᓄᓪᓗ. ᐊᒃᑐᖅᑕᐅᓂᖃᖅᓯᒪᒍᕕᑦ, ᐃᓱᒪᒋᓚᐅᕈᒃ ᑕᑕᑎᕆᓂᖅ ᖃᐅᔨᓴᕈᑎ ᑭᐅᔭᕆᐊᓕᒃ
 
   

 

Copyright © 2020 Nunavut Film Development Corporation, All rights reserved.

Our mailing address is:
107 Astro Hill, Iqaluit, NU, X0A0H0

Want to change how you receive these emails?
You can update your preferences or unsubscribe from this list.
 






This email was sent to <<Email Address>>
why did I get this?    unsubscribe from this list    update subscription preferences
Nunavut Film Development Corporation · PO Box 2398 · Unit 107, 8 Astro Hill · IQALUIT, Nunavut X0A0H0 · Canada

Email Marketing Powered by Mailchimp