न्यूजलेटर - एप्रिल २०१६.

पेपर बॅग्ज मेकींग प्रशिक्षण

१२ मार्च २०१६ रोजी सिडनम इंस्टीट्यूट ऑफ मॅनेजमेंट स्टडीज, चर्चगेट, मुंबई येथे बचत गटातील महिलांकरिता पेपर बॅग्ज बनविण्याचे एक दिवसीय प्रशिक्षण कार्यक्रम आयोजित करण्यात आले. सदरच्या प्रशिक्षणार्थींना त्यांच्या वस्तू विक्रीकरिता बाजारपेठ उपलब्ध करुन देण्याचा प्रयत्न केला जाणार असुन आगामी काळात या महिलांकरिता सराव वर्ग आयोजित केला जाणार आहे.

या कार्यक्रमाच्या यशस्वी आयोजनासाठी सिडनम इंस्टीट्यूट च्या स्टूडंट्स सोशल रिस्पॉन्सीबीलीटी कमिटी च्या खालील सदस्यांचे स्वयंसिध्दा फाऊंडेशन, मुंबई हार्दिक आभार व्यक्त करीत आहे.

१) निकिता सालीयन २) अमित गुलीग ३) अतिश यादव  ४) ललित शर्मा  ५) मनिष जांभेकर  ६) मिहिर पाटील  ७) मोहित कटारिया  ८) शरमिष्ठा दास

९) सुनिल यादव   १०) तुषार खेडेकर  ११) विपुल तावडे

तसेच संस्था सौ.स्नेहा चौधरी, विरार यांचे आभार व्यक्त करिते ज्यांच्या प्रयत्नांने विरारहून काही सदस्यांनी या प्रशिक्षण वर्गात सहभाग घेतला.

डोंबिवली येथे बचत गट कार्यशाळा

स्वयंसिध्दा फाऊंडेशन, मुंबई द्वारा डोंबिवली येथील एस.व्ही. जोशी विद्यालयात, महिला बचत गटांकरिता दिनांक २६.०३.२०१६ रोजी एक कार्यशाळा आयोजित करण्यात आली. सदरची कार्यशाळा स्थानिक नगरसेविका सौ. खुशबु चौधरी यांच्या प्रयत्नाने आयोजित झाली.

या कार्यशाळेत उपस्थितांना, बचत गट कसा बनवावा, तो कसा चालवावा व त्या मार्गे स्वयंरोजगार कसा करावा आदि विषयांवर माहिती देण्यात आली. संस्थेचे श्री समीर मंचेकर व श्री. विजय जोशी यांनी उपस्थितांचे मार्गदर्शन केले.

उपस्थित बचत गट संस्थेच्या 'मदर एनजीओ' या कार्यक्रमा अंतर्गत नोंदणी करणार आहेत