Copy
Familiebediening
Klik hier as die e-pos nie reg vertoon nie
 

Sewe Weke

Ons nooi families uit om deel te neem aan ons jaarlikse Sewe Weke reeks waarin ons gesinne uitdaag om iewers in die week saam die teks te lees, en die Familiebyeenkoms se riglyne te volg. Vanjaar se tema is  Entrepreneurs van Hoop. ‘n Entrepreneur is iemand wat ‘n geleentheid raaksien waar ander óf niks óf moeilikheid sien. In sulke situasies maak entrepreneurs planne en gee nie moed op om by ‘n oplossing uit te kom nie. Om ‘n entrepreneur van hoop te wees is eintlik waarvoor elke gelowige geroep is – om in moeilike omstandighede binne jou gesin, in jou dorp, in ons land, in die wêreld na geleenthede te soek waar God se lig kan deurbreek en om planne te maak en mee te werk dat dit kan gebeur.
 
Week 1 – Entrepreneurs van hoop sien geleenthede
 
Steek ‘n kers op
  • Nooi die gesin uit om om ‘n tafel te sit. Sorg dat daar  ten  minste een Bybel tussen julle is en ook ‘n kers in ‘n kersstaander. Laat iemand die lig afskakel. Sit vir ‘n oomblik in stilte in die donker, en laat ‘n ander gesinslid dan die kers aansteek.
  • Laat elkeen van die kinders sê wat hulle dink ‘n entrepreneur is en ook wat hulle graag by die volgende entrepreneursdag by die skool sal wil verkoop. Gesels met mekaar oor wat elkeen gesê het en laat ‘n ouer dan bogenoemde inleiding gee wat die toon aangee van ons volgende 7 Weke wat voorlê.
 
Luister na die Woord
  • Laat iemand Jer 32:1-25 lees
  • Die ligte is af in Jerusalem.  Die stad word  omsingel deur Israel se vyande, die Babiloniërs, en honger hulle uit en sny hulle toegang tot water af voordat hulle weggevoer word as slawe na ‘n vreemde land. Wanneer almal hulle grond laat gaan (word eintlik afgeneem deur die Babiloniërs), koop Jeremia ‘n stuk grond – totaal absurd. Hy sien iets wat niemand anders sien nie...die volk gaan weer terugkeer.
  • In die donker tyd dink Jeremia terug aan al die wonderwerke en tekens wat hy kan onthou toe dit swaar met die volk gegaan het.  Dit is daardie stories wat hom hoop gee, hom anders laat kyk, ook hierdie geleentheid laat raaksien.
  • Watter stories kan julle onthou van julle gesin, vriende of familie met wie dit swaar gegaan het wat in daardie omstandighede wonderwerke ervaar het, hoe die Here vir hulle gesorg het? Deel dit met mekaar.  Dit is die stories wat ons help om nou met geloof en moed ons uitdagings te pak.
 
Gebed
Jesus U lig skyn in ons.  Moenie dat ons twyfel en onsekerheid ons koers bepaal nie.  Jesus U lig skyn in ons.  Laat my U liefde elke dag omhels. AMEN
 
Kinder- en Jeugbediening Inligting
Kliek hier om die inligtingsblad van ons Kinder- en Jeugbediening te kry.  
Indien julle kinders of tieners nog nie geregistreer is nie, kliek hier en vul in asb.
 
Die Junior Kategese (Graad 1-6) doen vanjaar die tweede siklus in die LP3 reeks.  Die boeke wat die kinders vanjaar gebruik, Wys my die Weg,  kos R70. Kinders moet asb hulle koevertjies met hulle name en graad voorop met R70 in onthou indien jy nog nie vir jou boek betaal het nie.
 
Ouers sal weekliks ‘n whatsapp ontvang wat die tema van die week in een sin verduidelik. Ons moedig ouers aan om dit te gebruik om geloofsgesprekke deur die week met julle kinders te hê.
 
Die Tieners volg in die eerste kwartaal die 7 Weke Reeks. Sondae aande 18:30 vergader die tieners in hulle Graadgroepe waar hulle die tema van die week bespreek. Van 19:00 tot 20:00 is daar ‘n Tiener erediens.
 
Die belydenisklas (Graad 11’s) vergader van 18:00-19:00 in die Foyer van die Hofmeyrsaal.  Kliek hier om hulle program af te laai.
 
 
Hulp by Kinderbediening
Dankie vir ouers wat reeds aangedui het dat hulle kan help. Ons benodig steeds hulp by die Peuter- en Kleuterkerk asook by die Kinderbediening. Dit geskied op ‘n aflosbasis – jy hoef dus nie elke Sondag daar te wees nie.  Ons stel ‘n rooster op.  Hoe meer ouers beskikbaar is vir hulp, hoe minder gereeld hoef jy te help. Kyk op die inligtingsblad en kontak die koördineerders as jy kan help.
 
Gespesialiseerde pastoraat
Indien jy familie- of ouerskapsverwante pastoraat verlang of kwelvrae het, kontak gerus vir Jan van Zyl, ons Familie predikant vir ‘n afspraak by Jan. Hy doen ook IMAGO-huweliksterapie.
Twitter
Facebook
Website
Copyright © 2020 Moederkerk, All rights reserved.


Want to change how you receive these emails?
You can update your preferences or unsubscribe from this list

Email Marketing Powered by Mailchimp